အစွဲ

“အစွဲ”📖📖📖

****************
…………………………..
ဒီကိစ္စ​လေးမ​​ပြောခင်….
ကျွန်​တော် တစ်ခု​လောက်မှာချင်တယ်
သင်တို့ဘဝ မှာ ဘယ်သူဟာအ​ရေးကြီးလဲ
သင်တို့ ဘဝ မှာ ဘယ်သူကို အနားရှိ​စေချင်လဲ
ဒါ​လေးကို အရင်​တွေးကြည့်ကြပါ
အဲဒီလိုပဲ
သင်တို့ ဘဝ အတွက် အ​ရေးမပါသူ
သင်တို့ဘဝ ထဲ မ​ခေါ်နိုင်သူကိုလည်း
​သင်တို့​တွေးထားပါ…..
“အစွဲ” ဆိုတဲ့ Story ​လေး စပါ့မယ်…….
ဒီ Story ​လေးက ….
ကျွန်​​တော် တက္ကသိုလ်​ကျောင်းသား ဘဝက
ဖြစ်ပျက်ခဲ့တဲ့ အဖြစ်အပျက်က​လေးပါ…..
ကျွန်​တော်တို့ ….
တက္ကသိုလ်မှာ သူငယ်ချင်း​တွေရှိကြတယ်
အရမ်းကို …. ​ပျော်စရာ​ကောင်းတဲ့ Group ​လေးပေါ့
အရမ်းကဲကြ လို့​ ခေါ်အဆူခံ ရတာလည်း
အ​ခေါက်​ပေါင်းမနဲ လှဘူး….
ကျွန်​တော်တို့အဖွဲ့ထဲ မှာ…. ခပ်နွဲ့နွဲ့​လေး​နေတတ်တဲ့
သန့်ဇင်ဆိုတဲ့ ​ကောင်​လေးတစ်​ယောက်ရှိတယ်…..
သူ့ကိုဆို…. ​တွေ့တဲ့သူ​တွေကဝိုင်းစကြတာများတယ်
သူက ကျောင်းလာတာရင်
ပါးမှာ ပါးကွက်က အမြဲ ပါတယ်
ဒီလိုနဲ့ တစ်​နေ့မှာ…..
ဝင်း​ဇော်ဆိုတဲ့ သူငယ်ချင်းက သန့်ဇင်ကို ….
အဖွဲ့ ထဲ ​အာကာဆိုတဲ့ ​ကောင်​လေးတစ်​ယောက်
အသစ်​ခေါ်လာပြီး မိတ်ဆက်​ပေးတယ်
သူက ဒီ​ကျောင်းက​တော့မဟုတ်ဘူး
ဝင်း​ဇော်နဲ့ ရံဖန်ရံခါ လိုက်လိုက်လာတတ်တာ
အာကာက လူ​ချော ​ဖော်ရိန်နာရုပ်ထွက်မျိုး
မျက်လုံးက အညို အသားက အ​တော်​လေးဖြူတယ်
သန့်ဇင်က​ ဝင်း​ဇော်
သူနဲ့ ဒဲ့ကြီးမိတ်ဆက်​ပေးလိုက်​တော့
မျက်နှာ​တွေရဲပြီး အ​တော်​လေးရှက်သွားဟန်တူတယ်
သူရှက်တာ ကြည့်ပြီး ကျွန်​တော်တို့ အဖွဲ့ထဲက တစ်ချို့က ဝိုင်းစကြ​နောက်ကြ​သေးတယ်
အဲဒီလိုနဲ့ ….ကျွန်​တော်တို့​တွေ ​​ကျောင်း​တော်ကြီးထဲ မှာ လူငယ် တက္ကသိုလ်​ကျောင်းသားဘဝကို ​ပျော်ရွှင်စွာဖြတ်သန်းခဲ့ကြတယ်…
တစ်​နေ့တော့ ….အာကာ က သန့်ဇင်ကို
ချစ်​ကြောင်း​ပြောလာပါ​ရော…
သန့်ဇင်က နဂိုထဲက ​ကောင်​လေး​တွေပဲ
စိတ်ဝင်စားတာဆို​တော့ အာကာအချစ်ကို
မလွန်​ဆန်နိုင်ခဲ့ဘူး
အဲဒီ့​နောက်ပိုင်း သူတို့ တပူးပူး တတွဲတွဲ ဖြစ်လာကြတယ်…
ကျွန်​တော်တို့က​​တော့ …..သူတို့ တွဲ ​နေတာ
မသိ​သေးဘူး….
တစ်​နေ့ အဖွဲ့ထဲ က ​ကောင်မ​လေးက …
ကျွန်​တော်နဲ့ စကားလက်ဆုံကျရင်း ​
သူတို့အ​ကြောင်းပြောဖြစ်တယ်….
အဲဒီ​တော့မှ ဒီကိစ္စကို ကျွန်​တော်သိလိုက်ရတာ…
အဲဒီ ကာလ အဲဒီ အချိန်မှာ အခုလို ပွင့်လင်းမြင်သာမဟုတ်​သေးဘူး​….​
ယောကျ်ား​လေး ၂​ယောက်တွဲရင် ပြုံးရယ်ကြတယ်
​လှောင်ကြ​ပြောင်ကြတယ်
အနိုင်ကျင့်တာ​တွေရှိ​နေ​ကြသေးတဲ့ ​ကာလပေါ့…
ဒီလိုနဲ့ ကျွန်​တော်တို့ ​သူငယ်ချင်း​တွေ
ကျောင်းကန်တင်းမှာ
ဝိုင်းထိုင်​နေရင်း
သန့်ဇင် တို့လည်း အခု​နောက်ပိုင်း
အဖွဲ့ထဲ သိပ် မလာကြ​တော့ဘူး​
သူတို့ သာယာ​နေကြတာ ​နေမှာဆိုပြီး​တောင်
စ​နောက်​နေ​သေးတယ်…..
အဲ့လိုနဲ့ ကန်တင်းမှာ စား​သောက်ပြီး
ကျ​နော်ကလည်း ကိုယ့်ဘူမိ​ဗေဒ
အခန်းထဲကို ကိုယ် ပြန်​​တော့ ….တစ်​နေရာမှာ….
သန့်ဇင်ထိုင်​နေတာ ​တွေ့လိုက်ရတယ်
ကျွန်​တော် သန့်ဇင်အနား​ရောက်​တော့
သူက ငြိုးငြိုးငယ်ငယ်မျက်နှာနဲ့ ….
ကိုရဲ ဘယ်ကို သွားမလို့လဲ
ခနစကား​ပြောကြရ​အောင်ဆိုပြီးကျွန်​တော့်ကို
တ​စ်နေရာ​ခေါ်သွားတယ်
သူ​ခေါ်သွားတာက
ကျောင်းဝင်းထဲ က
ဦး​ပြောင်ထမင်းဆိုင် ​သွားတဲ့လမ်း
အဲ့ဒီ့လမ်း အ​ရှေ့က လမ်းက ​
ကျောင်းသား​တွေ ဖြတ်တာသွားတာ
သိပ်မရှိလှဘူး လူပျက်တယ်
ကျွန်​တော်လည်း သန့်ဇင့် အနောက်က​နေ
သူသွားတဲ့​နောက် လိုက်သွားတယ်….
တ​စ်နေရာ​ရောက်​တော့ သူက လမ်းသွား​နေရင်း
အားရပါးရ ငိုချပါ​လေ​ရော
ကျွန်​တော်လည်း လန့်သွားတယ် ဒါနဲ့ သူ့ကို
သန့်ဇင် ဘာဖြစ်လို့လဲဟင်လို့​​မေး​တော့ သူက …..
အာကာက သူ့ဆီ က ​ငွေ ၆သိန်း​ချေးလို့တဲ့
အဲ့တာမ​ပေးနိုင်ဘူး သူက​ပြော​တော့
သူ့ကိုမချစ်လို့ မ​ပေးနိုင်တာဆိုပြီး
လမ်းခွဲကြမယ်တဲ့….
အဲ့တာ ဒီ၆သိန်း မ​ပေးနိုင်ရင် သူနဲ့လမ်းခွဲရမှာမို့
သူ့ကို ၆သိန်းရှာ​ပေးပါလားတဲ့ ​ကျွန်​တော့်ကို အပူလာကပ်​တော့တယ်
အဲ့ဒီခေတ်က ၆သိန်း​ ကျွန်​တော်အလွယ်တကူ
ဘယ်လိုလုပ် ရှာနိုင်မှာလည်း
တစ်​နေ့ တစ်​နေ့ ​ကျောင်းလာရတာနဲ့တင်​
စရိတ်​တော်​တော်ကုန်တာ
ဒါနဲ့ …ကျွန်​တော်ကလည်း ငါ့မှာမရှိဘူးလို့
မင်းလည်း ဒီ​လောက်​ငွေကြီး
သူ့ကို ​ပေးစရာမလိုဘူး​
ဒါ ဒီ​ကောင် စပွန်ဆာရှာတာ ဆိုပြီး​ပြောလိုက်​တော့
သူက ကျွန်​တော့်စကားကို
လက်မခံ ဘူး သူမခွဲနိုင်ဘူးတဲ့
ကျွန်​တော်ကလည်း ပြတ်ပြတ်ပဲ
မခွဲနိုင် ရင် သူ​တောင်းတဲ့ ၆သိန်း​ပေးလိုက်​ပေါ့လို့
ခနဲ့​ပြောလိုက်တယ်…..
သူလည်း စိတ်ညစ်သွားပုံပဲ…
သူဘာဆက်လုပ်ရမှန်းသူမသိ​တော့ဘူးတဲ့….
ပိုက်ဆံ ၆သိန်းကြီး ​ပေါ်တင် ​တောင်းတာ
သူက ​​ပေးချင်လို့ဆို​တော့ ကျွန်​တော်က ဘာဆက်လုပ်​ပေးရမှာလဲ ဟုတ်တယ်မလား…..
အဲ့တာနဲ့ ကျ​တော်လည်း ဘားမှမတတ်နိုင်တာနဲ့ပဲ
ကိုယ့်ဘူမိအခန်းထဲပဲ ကိုပြန်လာလိုက်​တော့တယ် ….
​နောက်တစ်​နေ့မနက်မှာ…အိတာ ဆိုတဲ့ ကျွန်​တော့်သူငယ်ချင်းက​ ကျွန်​တော့်ကိုမေးလာတယ်…
နင်နဲ့ သန့်ဇင် မ​​နေ့က ဦး​ပြောင်ထမင်းဆိုင်သွားတဲ့လမ်းမှာ ဘာ​တွေဖြစ်​နေကြတာလဲတဲ့
ငါနင်တို့ကို မ​နေ့က ​တွေ့လိုက်တယ်
သန့်စင်ကလည်း မျက်နှာမ​ကောင်းဘူး လို့​ပြော​​တော့
ကျွန်​တော်လည်း
မ​နေ့က ကိစ္စ​တွေ အိတာ ကို
အကုန်​ပြောလိုက်လိုက်မိတယ်
အိတာကလည်း ကြားကြားချင်း
ဒါကြီးက တမင် ​ငွေကို ညစ်ပြီး​တောင်းတာကြီး​လေ
ဟုတ်တယ်မလား စိတ်တိုလိုက်တာ ဆိုပြီး
သူကပါ​ဒေါသထွက်​နေ​တော့သည်။
အိတာက အာကာ့အ​ပေါ် သူ့အမြင်ကို ကျွန်​တော့်ကို ​ပြောပြတယ် အာကာက သူကြည့်​တော့ Model ရှုံးတယ် ​ကျောင်းတစ်ခါလာရင် ဂျစ်ကားနဲ့
အပြည့် On ပြီး လာတာ အဲ့လိုဝတ်စားပြီး ….
လိုက်ခြူစား​နေတာ​တော့ လွန်လွန်းပါတယ်ဟယ်တဲ့
အိတာ နဲ့ ကျွန်​တော် သန့်ဇင်ကိစ္စ စကား​ကောင်း​နေတာနဲ့စာသင်ချိန်​​တောင် ​နောက်ကျ​နေလို့ …ကိုယ့်အခန်းကို အမြန်​ပြေးလာရတယ်
​ဒီလိုနဲ့ နေ့လည်ထမင်းစားချိန်
ကျွန်တော်​ ကန်တင်းရောက်သွား​တော့
ကန်တင်းက
ထမင်းဝိုင်းမှာ သန့်ဇင်ကိုကျွန်​တော်တို့အဖွဲ့က
ဝိုင်း​ပြောဆို​နေကြပြီ
ကျွန်​တော်လည်း အိတာအနားကို ဝင်ထိုင်ပြီး
ခပ်တိုးတိုး​လေး​​မေးလိုက်တယ်…….
ဟဲ့ အ​​ခြေအ​နေ
ဘာ​တွေ ဖြစ်​နေတာလဲ ​ဆို​တော့ အိတာက
​အေး နင်မနက်က​ပြောတဲ့ ကိစ္စပဲ ​လေတဲ့
သူမရဘူး..အခု အရူးကြီးလိုဖြစ်​နေပြီ
ဟိုအ​ကောင်က ၆သိန်းမ​ပေးလို့
သူ့ကိုဖြတ်သွားပြီလေတဲ့
ကျွန်​တော်…သန့်ဇင်ကို လှန်းကြည့်​တော့ …
သူက ကျ​တော့်ကို
မျက်​ဒေါင့်ကြီးနဲ့စိုက်ပြီး ပြန်ကြည့်တယ်
ကျ​တော့်စိတ်ထဲ ….
ဟင် ဒီကောင် ငါ့ကို
ဘာမ​ကျေနပ်​နေတာလဲ မသိဘူးလို့​တွေးမိတယ်….
မ​ကျေနပ်လဲ မတတ်နိုင်ဘူး​လေ ….
ကျွန်​တော်မှာလည်း အဲ့​ငွေမရှိဘူး
ရှိလည်း ကျွန်​​တော်​ပေးနိုင်မှာမဟုတ်ဘူး…
ကြည့်ရတာ အိတာက …သန့်ဇင်ကို
တော်​တော်​​လေး နာနာကျင်ကျင်
ပြောဆိုလိုက်တယ်ထင်ပါတယ်…..
သန့်ဇင် ​ခေါင်းမ​ဖော်နိုင်ရှာဘူး
ဒီလိုနဲ့ …..အချိန်​တွေကြာလာ​တော့
ကျွန်​တော်တို့ စာ​မေးပွဲ​တွေ နီးလာ​​တယ်
အနီးကပ်​ ကျူရှင်​တွေယူကြတယ်…..
သန့်ဇင်တို့ အိတာတို့က​​တော့ …..
ကျူရှင်လိုက်မတက်ကြဘူး
ကျ​တော်က ဘာ​တွေ အ​ရေးကြီးလဲ ဆိုတာ​တော့
သူတို့ကို ပြန်​ပြောပြ​ပေးတယ်…
အစက သူတို့က သူတို့အိမ်နားတင် ကျူရှင်
အတူတူတက်မယ်ဆိုလို့
ကျွန်​တော်က အရင်အပ်လိုက်တာ….
အခု​တော့ ဝင်း​ဇော်နဲ့ ကျွန်​တော်နဲ့ ပဲ တက်ဖြစ်လိုက်တယ်
ဒီလိုနဲ့….ကျွန်​တော်တို့ …နစ်​ယောက်
ကျူရှင်ယူတယ်
ကျူရှင်ကပြန်ရင် ကျွန်​တော်နဲ့ ဝင်း​ဇော်
အတူတူပြန်ကြတယ် လမ်းကြား​လေးကိုဖြတ်ပြီး
အိမ်ပြန်လမ်းတစ်ဝက်​လောက်​ရောက်ရင်​​တော့
ကျွန်​တော်တို့ ၂​ယောက်
သန့်ဇင်တို့ အိမ်​ရှေ့က​နေ ဖြတ်ပြန်ရတယ်
ဖြတ်ပြန်တိုင်းလည်း ..ဝင်းဇော်က အမြဲ ​ပြောတယ်
သန့်ဇင်ကို အာကာနဲ့ မိတ်ဆက်​ပေးလိုက်တာ
ငါ​​တော်တော်မှားတယ်တဲ့…..
သန့်ဇင် ​အဲ့​လောက် အစွဲ အလန်းကြီးမှန်း…သူမသိဘူးတဲ့ အခုလဲ သူ ငါတို့ကို ​ခေါ်​တော့ဘူး​လေတဲ့
ကျွန်​တော်လည်း….အရာရာက ကံက ဖြစ်လာတာပဲ ​​
ငါ​တော့ဘယ်သူ့မှ မသနားဘူးလို့ ​ပြောလိုက်တယ်
အဲဒီလိုနဲ့ ကျွန်​တော်တို့ ၂​ယောက် ….
လမ်းခွဲ ကိုယ့်အိမ်ကိုယ် ပြန်ကြတာ​ပေါ့…..
ဒီလိုနဲ့..​စာ​မေးပွဲ ​ဖြေခါနီး…..
ကျူရှင်​တွေ မှာ အသဲ အသန်​တွေ
စာ​တွေ လုပ်ကြတဲ့တစ်​​​နေ့​ပေါ့ …..
ည၁၀ နာရီ ​​လောက်မှ ကျူရှင်ကပြန်လွှတ်တယ်
အဲ့တာနဲ့ …အကုန်လုံးပြီးသွား​တော့ ကျွန်​တော်က
ဝင်း​ဇော်ကို ​အိမ်အတူတူပြန်ဖို့ ​စောင့်​နေချိန်
သူက သူ့​ကောင်မ​လေးကို
ပြန်လိုက်ပို့လိုက်​ဦးမယ်ဆိုပြီး ​စောထွက်သွားတယ်
ကျ​​တော်က​တော့တစ်​ယောက်ထဲ
ကိုယ့်အိမ်ကိုယ်ပြန်လာရတာပေါ့ …
လမ်းမှာလဲလူရှိ​နေ​သေး​တော့ ….. ကျူရှင်က​နေ
လမ်း​​လျှောက်ပြန်လာလိုက်တယ်…
ဒီလိုနဲ့
ကျွန်​တော်လည်း ကိုယ့်အ​တွေးနဲ့ ကိုယ်
လမ်း​လျှောက်​နေရင်း…စိတ်ထဲ
တစ်မျိုးကြီးခံစားလာရတယ်…..​ကျောချမ်းသလိုလို
​နောက်က တစ်​ယောက်​ယောက်ကပဲ ကြည့်​နေသလိုလိုကြီး
အဲ့တာနဲ့ ကျွန်​တော် ​နောက် ​လှည့်ကြည့်​တော့ ….
လမ်းမှာလူ​တွေလည်းရှိ​နေကြပါ​သေးတယ် ဒါ​ပေမယ့်
စိတ်မ​နောက​တော့ ​ ​နေရတာ မ​ကောင်း​နေဘူး
အဲဒီအချိန် ကျွန်​တော် အ​နောက်ကိုထပ်လှည့်ကြည့်လိုက်​တော့ ဟိုး​အနောက် ​တော်​တော်​​ဝေး​ဝေးမှာ ​ပြေးလာ​နေတဲ့…သူတစ်​ယောက်ကို ကျ​တော် မြင်မိတယ် အကျီ အနီ​ရောင်နဲ့…. ကမူးရှူးတိုး​ပြေးလာ​နေတာ…
ကျွန်​တော်လဲ ..​အော် သူ့ဖာသာ​​ပြေးတာ…
ကိုယ်နဲ့ မှ မဆိုင်တာ​ပေါ့လို့..​တွေးပြီး
ကိုယ့်လမ်းကိုယ်​လျှောက်​နေလိုက်တယ်….
အဲ့အချိန် ခဏနေ​တော့ ​နောက်က ကပ်ပြီး​​ပြေးလာတဲ့ အသံ ကြားတယ် ကျွန်​တော်လည်း
ဘယ်သူလဲ မသိဘူးဆိုပြီး ​နောက်လှည့်ကြည့်​တော့
​နောက်မှာဘယ်သူမှ မရှိဘူး…….
ဟင် ..ဘာတုန်းဟ ​ပေါ့ ..
ဟိုး​နောက်ကို လှန်းကြည့်​တော့ ခုနအကျီအနီနဲ့ ​ပြေးလာ​နေတဲ့
သူကို ကျွန်​တော် မြင်​နေရ​သေးတယ် သူကအ​​ဝေးမှာ​ပြေး​နေတုန်းပဲ
ကျွန်​တော့်စိတ်ထဲ တစ်မျိုးကြီးခံစားလိုက်ရတယ်
သူက ​ပြေးသာ​ပြေးလာ​နေတာ
အဲ့​နေရာကလဲ မ​ရွေ့လာသလိုပဲလို့
စိတ်ထဲ ထင့်​နေ​ပေမယ့် ..အဲဒီအနားမှာလည်း
လူ​တွေ ရှိ​နေ​တော့ ဘယ်လိုမှ မ​နေ​သေးဘူး​ပေါ့
ဒါ​ပေမယ့် ကျွန်​တော်
ခပ်သုတ်သုတ်​လျှောက်လာလိုက်တယ်
ဒီလိုနဲ့ လမ်းကြားနား​ရောက်​တော့
​မှောင်ပြပြလမ်းကြားကြီးကို စိုက်ကြည့်ရင်း
ခဏရပ်ပြီး​တွေးမိတယ် ကျွန်​တော်အမှန်​ပြောရရင်
ဒီလမ်းကြားက​နေ ဖြတ်မပြန်ရဲဘူး…..
မဖြတ်လို့ကလည်း မရပြန်ဘူး….
အဲ့လမ်းကြားက​နေ သွားမှ အိမ်​ရောက်မှာ​
ဒီလိုနဲ့ ​မှောင်ပြပြ လမ်းကြားထဲ ကျွန်ဝင်လာတော့
အ​ရှေ့မှာလူတစ်​ယောက် ရှိတယ်လို့ ခံစားရတယ် …
စိတ်ထဲ ..အမ​လေး​တော်​သေး​လို့ လူရှိတယ်​ပေါ့
​နောက်​တော့ ​ရှေ့အနားမှာ တကယ်လူရှိ​နေတယ်
စိတ်ထဲ​တော့ အ​တော်​လေး​ပေါ့သွားတယ်
ဒါ​ပေမယ့် ခဏကြာ​တော့ အဲဒီလူကို ကျွန်​တော်
ကြည့်ရင်း… စိတ်ထဲ သိပ်မသက်ာတော့ဘူး
ဒါ​ပေမယ့် မထူးပါဘူးဆိုပြီး
​လျှောက်မြဲအတိုင်း​လျှောက်လာလိုက်တယ်
သူကလည်း အ​ရှေ့က​နေ သွား​နေတာပဲ
ဒါနဲ့ အ​ရှေ့က ​ကျောပေး​လျှောက်​နေတဲ့ သူ့ကို
ကျွန်​တော် ကြည့်ရင်း…​လန့်လာလို့ ခပ်ဖြေး​ဖြေး​လျှောက်​တော့ ..သူက လည်း ​ဖြေး​ဖြေး​လျှောက်​တော့တယ်
ကျွန်​တော်မြန်လာရင်သူက လိုက်မြန်တယ်
ကျွန်​တော်ရပ်လိုက်​​တော့ သူကပါရပ်သွား​ရော…..
ကျွန်​တော်အဲ​ဒီ့ အချိန်မှာ…..​
ခေါင်း​မွှေးအကုန်​ထောင်သွားပြီ….
ဒါတစ်ခုခုပဲ ဆိုပြီးသေချာကြည့်​တော့ ….
ခုန​ဟိုး​နောက်မှာ​ပြေးလာ​နေတဲ့ အကျီအနီနဲ့ လူက
သူဖြစ်​နေတာ ကျွန်အ​တော်​လေး​ကြောက်ပြီး
​လန့်ဖျပ်သွား​တော့တယ်
အကျီ အနီ ​ဘောင်းဘီ နက်ပြာလိုလို အမဲ လိုလိုနဲ့
သူ့ကိုကြည့်ပြီး
ကျွန်​တော် ​ဘာလုပ်ရမှန်းလဲ မသိတော့ဘူး
လမ်းကြား​​မှောင်​မှောင်ထဲမှာ ​အရှေ့ကသူ​ရော အ​နောက်က ကျွန်​တော်ပါ ရပ်​နေမိကြတယ်….
​နောက်ပြန်လှည့်​ပြေးရ​အောင်လဲ
လမ်းကြားကအ​ကွေ့နဲ့ အနောက်က
ထွက်​ပေါက်ကိုလှန်းမမြင်ရ​​တော့
ကျွန်​တော်အရမ်း​ကြောက်တယ်… ပြန်လည်းမလှည့်ရဲပြန်ဘူး
အဲဒီအချိန် ..အ​ရှေ့က အဲ့ လူက ​
နောက်က ကျွန်​တော့်ကို
ဖျက်ကနဲ လှည့်ကြည့်ပြီးရီပြတယ်
ကျွန်​တော်ရုတ်တရက် လန့်ပြီး…အမ​လေးးးးးးး ဆိုပြီး ထ​အော်မိတာ အသံကိုမှ အကျယ်ကြီးပဲ
ဘယ်ဟုတ်မလဲ အဲ့ဒီ့လူက သန့်ဇင် ဖြစ်​နေတာ…..
ကျွန်​တော်ကလည်း …..​
အော်ဒီ​သန့်ဇင်ဆိုတဲ့အကောင် တော်​တော် ​
စောက်ကျင့်မ​​ကောင်းတဲ့​ကောင်…ငါ့ကိုလန့်​အောင်တမင် လာစ​နေတယ်ဆိုပြီး ​​တွေး​နေတုန်း ​အနောက်က….​ခြေသံ ကြား​လို့လှည့်ကြည့် လိုက်​တော့ ….
သားအမိနှစ်​ယောက် လာ​နေတာ…
ကိုယ်ကလည်း …သူတို့ကိုပိတ်ပြီးရပ်မိ​နေသလိုဖြစ်​နေ​တော့ အန်တီ ကန်​တော့်​နော် လို့ ​ပြောပီး လမ်း​ဘေးကပ် သူတို့ကို …အရင်သွားခိုင်းလိုက်တာ​ပေါ့ ဒါ​ပေမယ့် ခုနအ​ရှေ့မှာရပ်​နေတဲ့ သန့်ဇင်​တော့ အဲ့​နေရာမှာမရှိ​တော့ဘူး
ဒါနဲ့ သားအမိနှစ်​ယောက်​အနောက်က​နေ ..
လိုက်သွား​ပြီး လမ်းကြားကထွက် လမ်းမကို​ရောက်သွားမှ စိတ်​အ​တော်​လေးအေးသွားရတယ်
အပြင်​ရောက်​တော့ ကျွန်​တော် သန့်ဇင်ကို
ဟိုအ​ကောင် သူ​တောင်းစား ဘယ်​ရောက်သွားလဲ ဆိုပြီးရှာ​နေမိ​သေးတာ
ဒီလိုနဲ့ ကျွန်​တော် ..လမ်းမအတိုင်း​လျှောက်လာ​နေရင်း …
သန့်ဇင် တို့ အိမ်နား​ရောက်​တော့ …သန့်ဇင်အိမ်​ရှေ့မှာ
ကလက်ဖျင်းကြီးထိုးလို့ ထိုင်ခုံ​တွေနဲ့
လူ​တွေထိုင်စကား​ပြော​နေတာ​ကို
ကျွန်​တော်တွေ့လိုက်တယ်
ဟင် ဘယ်သူ ဘာဖြစ်တာလဲ ဆိုပြီးစိတ်ထဲ
တစ်မျိုး​တော့ဖြစ်သွားတယ်
အဲ့လိုနဲ့ ကျွန်​တော်လဲ အဲ့​ရှေ့အ​ရောက်….
​ကျောက်သင်ပုန်းအမဲမှာ ​ရေးထားတဲ့ စာကို ဖတ်လိုက်​တော့
ကျွန်​တော်မြင်လိုက်ရတဲ့ အရာက …
“ကွယ်လွန်သူ ​မောင်သန့်ဇင်” တဲ့
ဘုရားဘုရား….ကျွန်​တော် ​
အဲ့ ​ကျောက်သင်ပုန်းကြီးက စာကိုမြင်ပြီး….
​တော်​တော်​လေး ကြက်သီး​​ထ​သွားတယ်
ကျွန်​​တော်​ကြောင်ပြီး ရပ်ကြည့်​နေရာက​နေ
သတိပြန်​ဝင်လာပြီး
ကျွန်​​တော် အိမ်ကို အားကုန် ​ပြေးလာ​တော့တယ်
စိတ်ထဲလည်း ဘားမှ မသိ​တော့ဘူး
ကျွန်​တော် အသဲအသန် ပြေး​နေရင်း….​
အနောက်ကို လှည့်ကြည့်​တော့
ဟိုးးးးး​နောက်မှာ အားကုန်​​ပြေးလိုက်လာတာ…
သန့်ဇင်ကြီး အကျီအနီ​ရောင်ကြီးနဲ့
ဘုရားဘုရား…..
ကျွန်​တော် ရူးမလိုဖြစ်သွားပြီး ​
နောက်ထပ် အားတင်းပြေးလာရတယ်
​အနောက်က ​ခြေသံ ကြီးက တဖြည်းဖြည်း
နီးလာ​လေ​လေ
ကျွန်​တော်အားကုန်ထုတ် ​ပြေး​လေ​လေပဲ….
ဒီလိုနဲ့ ….ကျွန်​တော့်အိမ် လမ်းထဲ ​ရောက်​တော့
အိမ်​ပေါ်ကို ဘာမှမ​ပြောနိုင်ပဲ ပြေးတက်ပြီး ​​​
အရူးတစ်​ယောက်လို ပေးပေး ​ရေမန်း ​ပေးပါ ​ရေမန်း ​
ပေးပါဆိုပြီး….​
အ​မောဆို့မတတ် ​ကြောက်လန့်ပြီး….​ရေမန်း​တွေ​သောက်ချလိုက်တယ်
​ချွေး​တွေကထွက်….ကတုံကရင်​တွေဖြစ်ပြီး
အဲ့​နေည အပြင်းဖျားပါ​တော့တယ်……
ကျွန်​တော် သန့်ဇင် ပုံရိပ်ကြီးကို အခုထိ မြင်​ယောင်မိ​နေတုန်းပဲ
၃..၄ ရက်​လောက်နေမှ ရပ်ကွက်ထဲလိုက် ​
မေးကြည့်​မိတယ်…သန့်ဇင် ဘာလို့ ဆုံးသွားတာလဲ ​ပေါ့
အကုန်လုံးကလည်း မသိဘူးတဲ့ အ​ကောင်းကြီးက​နေ ကျပ်တယ် ကျပ်တယ် ဆိုပြီး ဆုံးသွားတာပဲ တဲ့
ကျွန်​တော်လည်း ဒီ​နေ့အထိ သူ့အိမ်​ရှေ့ကို ​ရှောင်ပါတယ်
အဲ့လမ်းကြားကို​ရှောင်ပါတယ်
ကျွန်​တော် ခုချိန်ထိ မသွားရဲ ​တော့ပါဘူး
ဘဝမှရူးမတတ်​ပြေးခဲ့ရတဲ့…..​နေ့ပါပဲ
ခုအသက်အရွယ်​ရောက်​တော့ စဥ်းစားမိတာ
ကိုယ်တကယ်မချစ်ရင်
ကိုယ့်အတွက် မလိုအပ်ရင်
ထိုလူကိုအသုံးမချပါနဲ့
တစ်ချို့က အစွဲ သိပ်ကြီးပါတယ်
ဒီကိစ္စကျွန်​တော်သူငယ်ချင်း​တွေ​ပြောပြ​တော့
သူတို့​တွေလည်း လန့်ဖျပ်ကုန်ကြတယ်
ဝင်း​ဇော်က​တော့ အ​ကြောက်ဆုံးဖြစ်​နေတာ​ပေါ့
အာကာနဲ့ သူက မိတ်ဆက်​ပေးခဲ့တာကိုး
အခု​တော့ သူတို့​တွေ လည်း
ဘယ်​တွေ​ရောက်ကုန်ကြပြီလည်း မသိ​တော့ဘူး
တစ်ချို့ ကျွန်​တော့် သူငယ်ချင်း​တွေဆို က​လေး​တွေ​တောင် ရ​နေကြပြီ​လေ……
ဒါကလည်း ကျွန်​တော့် Story ​တွေထဲ က အမှတ်တရတစ်ခုပါ
နဲနဲကြာ​လာ​တော့ သန့်ဇင်အစ်မပြန်​ပြောပြတာ
သန့်ဇင်မဆုံးခင်က သန့်ဇင်ကို ကောင်​လေး၂​ယောက်လာ​တွေ့ကြတယ်တဲ့
တစ်​ယောက်က ​ဖော်ရိန်နာရုပ်​လေးတဲ့
ကျွန်​တော့်အထင်က​တော့ အာကာက ​နောက်ရည်းစားအသစ်နဲ့ သန့်ဇင်အိမ်အထိလာပြီး သန့်ဇင်ကို
စိတ်ဒုက္ခလာ​ပေးသွားတယ်ထင်တာပဲ…သန့်ဇင်ဘာ​ကြောင့်ကျပ်ပြီးဆုံးသွားလည်းကို​တော့ သူ့အစ်မကမ​ပြောပြဘူး
ပြီး​တော့ သူဘာ​ကြောင့် ကျွန်​တော့်ကို ​ခြောက်လှန့်ခဲ့တာလည်း ဆိုတာလည်း နားမလည်ခဲ့ဘူး ကျွန်​တော့်စိတ်ထဲ​တော့
ကျွန်​တော် သူ့ကို ၆သိန်း မ​ချေးမိလိုက်လို့များလို့​တော့ ​
တွေး​နေမိပါ​တော့သည်။
ရဲထွန်း